Jab dhalta hai suraj,
Kuch yaadein yaad aati hain..
Jitna mein muskurata hu,
Ye utna hi tadpati hain....
Jab sagar ki lehrein kinare takrati hain,
Khamosh se iss dil mein, hulchul kar jaati hain..
Chahta hu mein teri yaad mein muskurana.
Na jaane kyo ye humesha rula jaati hain....
Sham dhale jab parinde gharo ko aate hain,
Ye tanha raahein gumraah kar jaati hain..
Chahta hu mein bhi ek ghar basana,
Fir bhi na jaane kyo ye aarzo ghabrati hai....
Jab chalakta hai jaam mehfil mein kahi,
Har gum se insaan madhosh ho jaata hai..
Chahta hu mein bhi madhosi mein jhoomna,
Na jaane kyo haath aate hi Pemana chalak jaata hai....
Jab mandir mein aasha se ghanti bajai jaati hai,
Meri bhatakti rooh jaise theher si jaati hai..
Chahta hu mein bhi apne jeewan ko suljhana,
Par dua se pehle hi, mann-mala ulajh jaati hai....
Jab hawayein pedo ki daali sehlaati hain,
Mere jawan tan mein koi kapkapi ***** jaati hai..
Chahta hu mein bhi khushiyo ko aagosh mein bharna,
Jaane kyo ye Raeth ki tarah fisal jaati hain....
Jab karta hai koi diyaaon se aagan mein roshni,
Dwar pe baithe meri aankhein bhar aati hain..
Chahta hai dil ik tamanna-E-roshan,
Sulagate hi chirag, Ungliyan jal jaati hain....
Dekhta hu jab kinaro pe kashtiyan,
Mujh mein ek umeed jag jaati hain..
Chahta hu mein kinaro pe milna,
Na jaane kyo patbaarein toot jaati hain....
Jab dekhta hu kabhi Patt-jhad mein patton ko girte,
Meri bhi umeedein jaise bikhar jaati hain..
Chahta hu mein bhi dilon mein phool khilana,
Ik ajaani Aahat! sab Fanah kar jaati hai.........
http://hindijokes.
No comments:
Post a Comment